Сізден кері байланыс алу мақсатында 10 «А» сыныбына
өткізілген сабағыма қысқаша рефлексия жасауды жөн көрдім.

Сабақ жоспары бойынша сабақты 3 кезеңге бөліп алдым. Сабақтың бастапқы кезеңінде оқушылардың зейінін сабаққа шоғырландыру мақсатында қызығушылықты ояту тапсырмаларын ұйымдастырдым. Бұл оқушыларды бір-біріне жақындастырады, сабаққа деген қызығушылығын оятады.

Өткен сабақ пен жаңа сабақты ұштастыру мақсатында «Миға шабуыл» әдісі арқылы ой қозғау сұрақтарын беріп, оқушылардың жауабын тыңдадым. Нәтижесінде жаңа сабақтың тақырыбы айқындалып, сабақ мақсаты таныстырылды.

Жаңа сабақтың теориялық мазмұнын меңгерту үшін видео ролик көрсетіп, ұжымдық үлгіде ведиодан не көрді, не түсінгені туралы талқыланды. Видео роликтен тыңдалған жаңа терминдерді теріп алып, аудармасын айтып, «Түртіп алу» әдісі арқылы терминология дәптерлеріне жазып алды.

Келесі кезекте теорияны практикамен ұштастыру мақсатында жұптық үлгіде практикалық жұмыс жасады. Тапсырма орындап біткен соң, қалай жасады?, қандай жаңа тэгтерді қолданды, оның программадағы алатын орнымен атқаратын қызметін түсіндіріп, өз ойымен бөлісті.

Сабақтың соңында рефлексия ретінде google form желісінің мүмкіндігін пайдаланып, қорытынды жасадым. Бағалау 1-10 баллдық жүйе бойынша қалыптастырушы бағалау негізінде оқушылар өзін-өзі бағалады. Ал өзім әр тапсырма соңында оқушылардың сабаққа қатысу белсенділігіне қарай ынталандыру мақсатында кері байланыс беріп отырдым.

Сіз бүгінгі сабақтан қандай әсер алдыңыз?

Сабаққа/мұғалімге қандай ұсынысыңыз/тілегіңіз бар?